Urwego rw’Iguhu rw’Ubugenzacyaha , RIB, rwataye muri yombi Umuyobozi ushinzwe Imiyoborere Myiza mu Ntara y’Amajyepfo , ukurikiranyweho icyaha cyo guha ruswa , Umugenzacyaha wakurikiranaga Ikirego aregwamo n’umugore we ibyaha byo kumuhoza ku nkeke.
Byatangajwe n’Urwego rw’Iguhu rw’Ubugenzacyaha RIB mu gitondo cyo kuri uyu wa Mbere tariki 22 Mutarama 2024.Mu butumwa RIB yanyujije kuri X yagize ati:”RIB yafunze Kabera Vedaste, Umuyobozi ushinzwe imiyoborere myiza mu Ntara y’Amajyepfo. Akurikiranweho guha ruswa Umugenzacyaha wakurikiranaga dosiye aregwamo n’ umugore we ku byaha byo kumuhoza ku nkeke no kumuhohotera.
“Vedaste afungiye kuri Sitasiyo ya RIB ya Nyamabuye, mu gihe dosiye ku byaha aregwa iri gutunganywa kugirango ishyikirizwe Ubushinjacyaha”.
RIB yasabye Abaturarwanda kwirinda ruswa n’igisa nayo ati:” RIB irongera gukangurira abaturarwanda kwanga ruswa no kuyirwanya, ndetse no kujya batanga amakuru aho bayikeka kuko igira ingaruka mbi ku iterambere ry’Igihugu”.
RIB yafunze Kabera Vedaste, Umuyobozi ushinzwe imiyoborere myiza mu Ntara y’Amajyepfo. Akurikiranweho guha ruswa Umugenzacyaha wakurikiranaga dosiye aregwamo n' umugore we ku byaha byo kumuhoza ku nkeke no kumuhohotera.
— Rwanda Investigation Bureau (@RIB_Rw) January 22, 2024
