Miss Uwase Muyango Claudine na Kimenyi Yves, batsindiye umunyenga wa Kajugujugu kuri St Valentin nyuma yo gutsinda abo bari bahanganiye barimo Couple ya Miss Nishimwe Naomie n’umukunzi we, mu irushanwa ryari ryateguwe n’imwe muri sosiyete yo mu Rwanda ikora ingendo z’indege nto(Kajugujugu).
Ubuyobozi bw’iyi sosiyete bubinyujije ku mbuga nkoranyambaga, buherutse kuvuga ko mu rwego rwo kwizihiza umunsi mukuru w’abakundana, bifuza gushyiriraho indege izageza abakundana muri imwe muri Lodge nziza y’i Musanze, bagafatirayo amafunguro ya saa sita ikanabacyura.
Nyuma yo kubona ubu butumwa, benshi mu bakoresha imbuga nkoranyambaga bambariye guha amahirwe abakundana bafana umunsi ku wundi by’umwihariko ibyamamare ku mbuga nkoranyambaga.
Birangira couple ya Kimenyi na Muyango ariyo itowe cyane maze ihigika iya Miss Nishimwe Naomie n’umukunzi we Michael Tesfay.
