Itangazo ryasohowe nyuma y’inama yari iyoboye na Perezida Tebboune ubwe baganira ku myiteguro y’amatora riragira riti: “Hafashwe umwanzuro wo gukora amatora y’umukuru w’igihugu yari ateganijwe ku wa Gatandatu, itariki ya 7 Nzeri 2024, aho urwego rushinzwe amatora rwahamagajwe ku itariki ya 8 Kamena 2024.”
Ntiryagaragaje impamvu zo kwegeza imbere amatora nk’uko iyi nkuru dukesha Ibiro Ntaramakuru bya Turkiya, Anadolu Agency ikomeza ivuga.
Tebboune yatowe ku itariki ya 12 Ukuboza 2019, atorewe manda y’imyaka itanu, ishobora kongerwa rimwe, nk’uko Itegeko Nshinga ribiteganya.
Mu kwigiza imbere amatora, Tebboune yakoresheje bumwe mu bubasha bwe butangwa n’ingingo ya 91 y’Itegeko Nshinga, buvuga ko “ashobora guhitamo gukora amatora ya perezida mbere y’igihe giteganyijwe.”
