Abitabiriye amahugurwa bahagarariye ibihugu makumyabiri na bine aribyo; Algeria, u Bubiligi, Canada, u Bushinwa, Repubulika ya Czech, Danemark, Misiri, u Bufaransa, u Budage, u Buyapani, Yorodani, Kenya, Namibia, u Buholandi, Pologne, Repubulika ya Koreya, u Burusiya, Suede, Türkiya, Uganda, u Bwongereza, Amerika, Zambia , Zimbabwe. Abahagarariye Komisiyo y’Ubumwe bw’ibihugu by’u Burayi, ICRC n’intumwa z’abatumirwa bavuye muri EASF na bo bitabiriye.
Ba Defence Attachés bakiriwe n’umuyobozi mukuru w’ubufatanye mpuzamahanga bwa gisirikare muri minisiteri y’ingabo, Brig. Gen. Patrick Karuretwa.
Mu ijambo rye ritangiza iyi nama, yashimiye aba uruhare rwabo rwiyongera kandi ashimangira akamaro ko gukora ibiganiro by’umutekano hagamijwe kurushaho kunoza ubufatanye bw’ingabo no kumvikana.
Ba Defence Attachés bakaba basobanuriwe byinshi ku mpinduka nshya mu mategeko agenga RDF n’imiterere mishya; umutekano w’imbere mu gihugu no hanze; n’ibishya ku bikorwa bya RDF muri Mozambique na Centrafrica.
