Amakuru ava muri Gurupoma ya Karhongo yemeza ko amakimbirane yaturutse ku mbunda ba Wazalendo bambuye umusirikare wa FARDC mw’isoko rya Munyi. Nyuma, uwo musore yagiye ayirasisha abasivili nkuko iyi nkuru dukesha VOA ivuga.
Umuyobozi wa Gurupoma ya Karhongo, Chishugi, avugana n’Ijwi ry’Amerika kuri uyu wa Kane ushize, yemeje ko hari abantu batatu bapfuye abandi babiri barakomereka muri ubwo bushyamirane.
Ibi bibaye mu gihe hakomeje kuvugwa ukutumvikana hagati ya FARDC na Wazalendo ku bijanye n’abakwiye gukora irondo muri Nyangezi. Ikindi kitumvikanwaho ni ikibazo cy’uko hari abambara imyenda ya gisirikare itandukanye kuko bamwe bafite imishya iheruka gutangwa, abandi bakambara ishaje yacitse.
