Abinyujije ku rubuga rwa X rwahoze ari twitter, yavuze ko iki kinyamakuru mu gihe gito kiribube kizingishijwe utwangushye nticyongere kugira ibiganiro gitambutsa kiri ku butaka bwa Israel kuko ngo ari umuyoboro w’iterabwoba.
Ati “Uwo muyoboro w’iterabwoba ’Al Jazeera’ ntuzasubira gukorera muri Isirayeri, niteguye kuwuhagarika biciye mw’itegeko rishyashya rihagarika ibikorwa byayo.”
Yabivuze mu gihe ejo hashize (ku wa mbere), inama nshingamateka yatoye itegeko ryemerera Leta guhagarika ibitangazamakuru mpuzamahanga bibangamiye umutekano w’igihugu.
Iryo tegeko ryatowe ku bwiganze bw’amajwi 70% , rikaba riha Minisitiri w’intebe hamwe n’ushinzwe itangazamakuru, ububasha bwo guhagarika ibitangazamakuru mpuzamahanga bikorera muri Isirayeri, mu gihe biketsweho kubangamira umutekano w’igihugu.
