wex24news

impanuka:ngoma habereye impanuka ikomeye benshi batakaje ubuzima.

Mu karere ka Ngoma habereye impanuka y’imodoka yari ipakiye ibigori.Iyi mpanuka yabereye ahitwa Rukumberi mu Karere ka Ngoma yerekeza mu Karere ka Rwamagana Batatu bari muri iyi kamyo bahise bapfa.

Ni impanuka ikomeye yabaye kuri uyu wa Kane tariki 11 Mata 2024, igwamo  umwana w’umuhungu na se n’undi wari uyibereye Kigingi.Umuvugizi wa Polisi mu Ntara y’Iburasirazubwa Bwana SP Hamdun Twizeyimana yabwiye yabwiye itangazamakuru ko iyi mpanuka ishobora kuba yaratewe n’umuvuduko mwinshi.Yagize ati:

Urebye ushobora gusanga yaratewe n’umuvuduko mwinshi, aho yabereye ni ahantu hasa nk’ahamanuka, kandi hari iteme, iryo teme barimo bararikora urebye umushoferi asa nk’uwananiwe kuringaniza umuvuduko  bitewe n’uko yamanutse haruguru n’ukuntu yari apakiye aho guca ku iteme ahubwo aca ku ruhande igwamo hasi”.

SP Hamdun yakomeje asaba abatwara ibinyabiziga kubahiriza amategeko y’umuhanda no gusuzuma ubuziranenge bw’ibinyabiziga.

Ndagijimana samuel:wex24news.com

Leave a Comment

Your email address will not be published. Required fields are marked *