Byatangajwe na Misitiri w’ububanyi n’amahanga wa Botswana , Lemogang Kwape kuri uyu wa Kabiri mu kiganiro yahaye shene ya televiziyo yo muri Afurika y’Epfo.
Yavuze ko leta y’Ubwongereza yiyambaje igihugu cye ibabaza niba bakwakira abimukira birukanwa mu Bwongereza, ariko Botswana iyo gahunda ngo yahise iyitera utwatsi.
BBC itangaza ko mu kwezi gushize, mu binyamakuru byo mu Bwongereza, hatangajwe amakuru avuga ko leta y’Ubwongereza yari irimo gushaka gukorana n’ibihugu birimo Botswana, Armenia, Côte d’Ivoire na Costa Rica muri gahunda yo kohereza abimukira.
Televiziyo Newzroom Afrika, yaganiriye na Minisitiri Kwape ,yatangaje ko uyu muyobozi yavuze ko Botswana yo yanze ubwo busabe avuga ko bwatanzwe na minisitiri w’ububanyi n’amahanga w’Ubwongereza hamwe na minisitiri ushinzwe Afurika babinyujije “mu nzira za dipolomasi.
Gusa ntiyatangaje impamvu nyirizina yanze ubwo busabe.
