Umutoza Arne Slot ugiye gusimbura Jürgen Klopp muri Liverpool yasobanuye impamvu yamusunikiye kujya muri iyi kipe, ashimangira ko ari amahirwe yabonwa na buri wese ntayiteshe.
Guhera 2015, Jürgen Klopp yabaye umutoza wa Liverpool ndetse ayifasha kwandika amateka akomeye muri Shampiyona y’u Bwongereza ndetse no ku ruhando mpuzamahanga.
uyu mutoza utegerejweho gukomereza aho Klopp yari agejeje, yavuze ko kujya muri Liverpool atari amahirwe yari gutera inyoni. Arne Slot yagize ati “Ni umwanzuro utoroshye kuwufata, ukava ahantu wagiriye ibihe byiza ndetse waranakoranye n’abantu beza gusa. Ariko nk’umu-sportif, amahirwe yo kuba umutoza mukuru mu ikipe yo muri Premier League, imwe mu zikomeye ku Isi, ntiwayabona ngo uyiteshe.”
Mu makipe Slot yanyuzemo harimo na AZ Alkmaar yo mu Buholandi yatoje hagati ya 2019 na 2021, akaba agiye gusimbura Klopp wageze muri Liverpool mu 2015 agatwara Igikombe cya Shampiyona y’u Bwongereza nyuma y’imyaka 30, anatwarana na yo UEFA Champions League ya gatandatu, na yo yaherukaga kwegukana mu 2005.
