Ikipe ya Atalanta yo mu Butaliyani, yegukanye Igikombe cya Europa League nyuma yo kunyagira Bayer Leverkusen ibitego 3-0, ihagarika agahigo k’imikino 51 iyi kipe yo mu Budage yari imaze idatsindwa.
Uyu mukino wa nyuma wabereye muri Irlande, wahuje Bayer Lerverkusen yawukinaga bwa gatatu ndetse ibura imikino ibiri gusa ngo isoze umwaka w’imikino idatsinzwe, na Atalanta yawukinaga bwa mbere ndetse ishaka igikombe cya kabiri kiyongera kuri Copa Italia yatwaye mu 1963.
Bayer Leverkusen yabaye nk’ikangutse nyuma yo gutsindwa igitego ku munota wa 12 itangira kurema uburyo buremereye imbere y’izamu burimo umupira mwiza Frimpong yahaye Alex Grimaldo, agiye kurekura ishoti awuburira mu maguru.
Bayer Leverkusen yari yaramenyereweho gutsinda mu minota ya nyuma muri uyu mwaka w’imikino, byarangiye noneho byanze, itsindwa na Atalanta ibitego 3-0 ndetse itakaza igikombe cya Europa League.
Kwegukana Europa League byahesheje Umutoza Gian Piero Gasperini na Atalanta kuzakina UEFA Champions League ya 2024/25.
