Jolly Mutesi umaze iminsi mu Bwongereza aho yitabiriye Inama ihuza Abanyafurika biga muri Kaminuza ya Oxford, yahahuriye na Raila Odinga wigeze kuba Minisitiri w’Intebe wa Kenya.
Jolly Mutesi yagize ati “Umunsi wa mbere w’inama ihuza Abanyafurika biga muri Kaminuza ya Oxford, nagize amahirwe yo guhura na Raila Odinga ambwira ko akunda u Rwanda.”
Mutesi Jolly witabiriye iyi nama atumiwe n’Umuryango w’Abanyafurika biga muri Kaminuza ya Oxford, byitezwe ko azatanga ikiganiro mu gice cyayo cyiswe ’Oxford Africa Conference ‘Africa Day Gala Dinner and Fashion Show’, kizaba kigaruka ku mideli.
Abandi batumirwa bategerejwe muri iyi nama barimo Perezida wa Ghana Nana Akufo Addo, Dr Donald Kaberuka wabaye Umuyobozi wa Banki Nyafurika Itsura Amajyambere na Amina Mohamed, Umunyamabanga wungirije w’Umuryango w’Abibumbye.
Umuryango ‘Oxford Africa’ utegura iyi nama, watangijwe mu mwaka wa 1958.
