ndege yo mu bwoko bwa Boeing 787-9 ya Sosiyete y’Ubwikorezi bwo mu Kirere, Qatar Airways yari ivuye mu Mujyi wa Doha kuri uyu wa 26 Gicurasi 2024 yagize ikibazo cyo guta inzira yagenderagamo ubwo yari igeze mu kirere cyo muri Türkiye yerekeza i Dublin Murwa Mukuru wa Irlande, bituma abagera kuri 12 bakomereka.
Uku kwicugusa kw’iyi ndege kwakomerekeyemo abagera kuri 12 harimo abagenzi batandatu n’abandi bakozi bayo batandatu, bahise bahabwa ubutabazi byihuse.
Ubuyobozi bwa Qatar Airways bwatangaje ko abakomerekeye muri iyo mpanuka bagize ibikomere bidakabije bakaba bari kwitabwaho n’abaganga. Bwongeyeho ko icyateye iyo mpanuka kiri gukurikiranwa n’iyi sosiyete ngo kimenyekane.
Abahanga mu by’ubwikorezi bwo mu kirere bavuga ko kubura kwicugusa kw’indege iri kuguruka ahanini biterwa n’ikirere kitameze neza.
