Umutwe wa Hamas watangaje ko wateye ibisasu mu Mujyi wa Tel Aviv muri Israel, amakuru yanemejwe n’igisirikare cya Israel ariko gihamya ko ibyinshi muri ibi bisasu byapfubijwe, nta muntu bikomerekeje.
Amakuru y’iki gitero yatangajwe kuri iki Cyumweru tariki 26 Gicurasi mu 2024. Igisirikare cya Israel cyavuze ko Hamas yarashe ibisasu umunani, bivuye mu gace ka Rafah mu Majyepfo ya Gaza, ni ubwa mbere mu mezi ane Hamas ibashije kurasa mu Murwa Mukuru, Tel Aviv.
Hamas yagaba ibitero muri Israel Kuva ku wa 7 Ukwakira intambara ihanganishije ibihugu byombi ikomeje gufata indi ntera. Kugeza ubu imaze guhitana Abanye-Palestine barenga ibihumbi 35 kandi Ingabo za Israel zivuga ko itazahagarara zitararimbura burundu abarwanyi b’uyu mutwe.
