Urukiko rw’ubutabera rw’Umuryango wa Afurika y’Iburasirazuba rukorera Arusha muri Tanzania rwabaye ruhagaritse imirimo kubera kubura amafaranga yo gukoresha.
Byatewe n’uko ibihugu binyamuryango bitaratanga amafaranga y’umusanzu bisabwa ngo ibikorwa bya EAC bishoboke. Uru rukiko rwagaragaje ko ibyo bibazo bije byiyongera ku bwinshi bw’ibirego bisaga 200 rutarakemura.
Mu itangazo ryashyizwe hanze urwo rukiko rwatangaje ko rubabajwe no kumenyesha abafatanyabikorwa barwo ko nta mirimo izakorwa mu ntangiriro za Kamena, kugeza igihe ikibazo kizakemukira.
