Ikipe ya APR FC yatwaye igikombe cya shampiyona 2023-2024, biteganyijwe ko muri iki cyumweru itangira gufata bimwe mu byemezo by’ingenzi birebana no gutegura umwaka w’imikino wa 2024-2025 izahagarariramo u Rwanda muri CAF Champions League.
Kuva ku wa Kane tariki 30 Gicurasi 2024 batangira kwiga ku bintu bimwe na bimwe bahereye ku gutoranya umutoza mushya ugomba gutoza iyi kipe asimbuye Umufaransa Thierry Froger warangije amasezerano atarongerewe.
Umutoza mushya wa APR FC bitaganyijwe ko azatangazwa mu ntangiriro z’ukwezi kwa Kamena 2024 akaza kugira uruhare mu kubaka ikipe haba mu bakinnyi bongerwamo ndetse n’ibindi bitandukanye kuko APR FC ivuga ko agomba kubigiramo uruhare kugira akazi azakora kazagende neza yariteguriye byose.
Uretse kuzahagararira u Rwanda muri CAF Champions League ikipe ya APR FC izanaruhagararira mu irushanwa rya CECAFA Kagame Cup 2024 rizakinirwa muri Tanzania muri Nyakanga 2024 bityo ubuyobozi bukaba buvuga ko bagomba gutangira imyiteguro hakiri kare.
