Ubushinjacyaha bwajuririye icyemezo cy’Urukiko rw’Ibanze rwa Nyarugenge rwarekuye Eric Ndagijimana by’agateganyo ku itariki 24 Ukuboza 2023.
Mu gitondo cyo ku wa 3 Kamena 2024 ku Rukiko rwisumbuye rwa Nyarugenge habaye urubanza rw’ubujurire ubushinjacyaha buregamo Eric Ndagijimana uzwi nka X-Dealer ukurikiranyweho ubujura. yibye Telefoni ya The Ben yibiwe i Burundi.
Ubushinjacyaha bwatanze ibimenyetso ko telefoni yagaragaye i Rwezamenyo aho Ndagijimana atuye, ikindi kimenyetso ni amajwi ya Ndagijimana Eric na Habiyambere Jean Baptiste, aho baganiraga ko iyo telefoni itigeze yibwa.
Ikimenyetso cya gatatu ni ubuhamya bwatanzwe n’uwitwa Musinga uzwi nka “Pilato” wavuze ko yabwiwe uwo mugambi ko telefoni niyibwa yari guhabwa miliyoni 3 Frw, ubundi akayihungishiriza muri Tanzania, ubushinjacyaha bwasabiye Eric Ndagijimana igihano cyo gufungwa imyaka ibiri.
Eric Ndagijimana yahawe umwanya asobanura ko igihe bavuga ko telefoni yibiwe yari mu Rwanda kandi n’abavugwa ko bibwe telefoni bari mu Rwanda. akomeza ayavuga ko Musinga asanzwe ari umubeshyi kandi ko atakwiba telefoni itarengeje miliyoni imwe ngo ahabwe miliyoni 2 Frw kuko yayibye.
Umunyamategeko wunganira Eric Ndagijimana yagize ati “Telefoni itarengeje miliyoni imwe n’igice y’amafaranga y’u Rwanda maze ngo bakamuha miliyoni 5 Frw agaha miliyoni 3 Frw uwitwa Musinga, noneho Eric Ndagijimana agatwara miliyoni 2 Frw. Ubwo se wakora ubwo bujura ukaba ari wowe utwara amafaranga make? ikindi The Ben afite umucungira umutekano ku buryo bigoye ko hagira uwiba telefoni ntamubone kandi ariko kazi ke.
Telefoni ya The Ben yibiwe i Bujumbura mu Burundi ku itariki 1 Ukwakira 2023 mu ijoro ryabereyemo igitaramo cyabereye ahitwa Eden Garden Resort, ku nkengero z’ikiyaga cya Tanganyika.
