Urwego rutegura Shampiyona y’icyiciro cya mbere, Rwanda Premier League rwandikiye Ishyirahamwe ry’Umupira w’Amaguru mu Rwanda Ferwafa, rubasaba ko umubare w’abakinnyi buri kipe yemerewe kwandikisha wava kuri 30 ukagera kuri 40.
amategeko Ferwafa igenderaho yakozwe mbere ya Covid 19 ubwo abasimbura bari batatu bemewe mu kibuga kuri ubu bakaba barageze kuri batanu, mu gihe n’abakinnyi bajya ku rupapuro rw’umukino bavuye kuri 18 bakaba 20.
Fewafa muri uno mwaka wa shampiyona ikaba yari yatangaje ko amakipe yemerewe kwandikisha abakinnyi 30 ariko bakaba bakongeramo abandi bane kuri buri rupapuro rw’umukino bavuye mu makipe yabo y’abana akina Shampiyona ya U 20.
Kuri uyu wa mbere, Ishyirahamwe ry’Umupira w’Amaguru mu Rwanda ryatangaje ko Shampiyona y’Icyiciro cya Mbere mu Bagabo izatangira ku wa 18 Kanama 2024, igasozwa ku wa 18 Gicurasi 2025.
