Ikipe ya TP Mazembe yo muri Repubulika Iharanira Demokarasi ya Congo, Nyasa Big Bullets yo muri Malawi na Red Arrows yo muri Zambia zatumiwe muri CECAFA Kagame Cup iteganyijwe tariki ya 6-22 Nyakanga 2024 muri Tanzania na Zanzibar.
Impuzamashyirahamwe y’Umupira w’Amaguru muri Afurika y’Iburasirazuba no Hagati (CECAFA) yatangaje ko Irushanwa rya CECAFA Kagame Cup ry’uyu mwaka, rizitabirwa n’amakipe 16 arimo atatu yatumiwe.
Umuyobozi Nshingwabikorwa wa CECAFA, John Auka Gecheo, yagize ati: “Iri rushanwa rizafasha amakipe yacu muri zone kwitegura neza mu ntangiriro z’umwaka w’imikino mbere y’uko CAF Champions League na CAF Confederation Cup ya 2024/25 bitangira muri Kanama.
Iri rushanwa ryatumye CECAFA y’ibihugu yari iteganyijwe tariki ya 29 Kamena kugeza ku ya 14 Nyakanga isubikwa, rizitabirwa kandi n’andi makipe 13 yo mu bihugu binyamuryango.
Ubwo iri rushanwa ryaherukaga kuba mu 2021, Express FC yo muri Uganda yaryegukanye itsinze Nyasa Big Bullets yo muri Malawi igitego 1-0.yari yatumiwe muri iyo mikino yabereye i Dar es Salaam muri Tanzania.
