Igisirikare cya Israel cyasabye abaturage bahungiye mu gace ka Khan Younis kari mu Majyepfo ya Gaza, kongera guhunga kandi, bakerekeza mu bice by’Amajyaruguru aho baje baturuka, ibituma abantu bakeka ko Ingabo za Israel zishobora kwinjira muri aka gace mu gihe kitarenze amasaha 24.
Khan Younis ni agace ka nyuma karimo impunzi zirenga miliyoni y’abaturutse mu bice by’Amajyaruguru ya Gaza, kakaba aka nyuma bari barahungiyemo cyane ko intambara yari yarahereye mu Majyaruguru ikomereza muri Gaza rwagati, ibyatumye abaturage benshi bahungira mu Majyepfo.
Majyepfo ntabwo hakunze kubera intambara, nubwo Israel yanyuzagamo ikahagaba ibitero karundura bigahitana abantu, gusa nayo ntiyakunze kuhagaba ibitero by’ingabo, nubwo yari yarahamije ko igihe kizagera ibi bikabaho.
Umutwe wa Palestinian Islamic Jihad (PIJ) warashe ibisasu 20 muri Israel, ibyatumye Ingabo z’icyo gihugu zihita zirakaza zigatanga umuburo usaba abaturage kuhava, mu gihe n’ubundi ari ho bari barahungiye.
