Ishami ry’Umuryango w’Abibumbye ryita ku Buzima (OMS) kuri uyu wa Kabiri tariki ya 23 Nyakanga 2024 ryatangaje ko rihangayikishijwe cyane” n’indwara zishobora gutera mu karere ka Gaza.
Dr Ayadil Saparbekov, umuyobozi w’itsinda rya OMS mu bihe byihutirwa bidasanzwe by’ubuzima mu turere twa Palesitine yagize ati: “Mfite impungenge cyane. Mfite impungenge cyane (…) kandi ntabwo bijyanye n’imbasa gusa. Hashobora kubaho izindi ndwara zandura zishobora kubaho.”
Yongeyeho ati: “Hepatite A yemejwe umwaka ushize none dushobora kugira indwara y’imbasa” mu gihe hari abantu bagera ku 14.000 bakeneye kwimurwa kwa muganga muri Gaza.
Imbasa ni indwara yandura cyane iterwa na virusi (poliovirus) yibasira imitsi kandi ishobora gutera ubumuga budasubirwaho mu masaha make.
sesengura ry’abashyizwe mu kato ryakozwe n’ikigo gishinzwe kurwanya no gukumira indwara (CDC) muri Atlanta ryerekana ko hari isano rya bugufi hagati yabo kandi ko rifitanye isano n’ubwoko bwa poliovirus 2 bukomoka ku rukingo rwakwirakwijwe mu Misiri mu 2023, nk’uko OMS yabivuze kuri uyu wa kabiri.
OMS yongeye kwibutsa ko hari ibyago byinshi byo gukwirakwiza virusi mu karere ka Gaza ndetse no ku rwego mpuzamahanga, niba iki cyorezo kitabonewe igisubizo cyihuse kandi cyiza”.
Dr. Saparbekov yabisobanuye agira ati: “Ntabwo twigeze dukusanya icyitegererezo cy’abantu, kubera kubura ibikoresho byo kubikora no kubura ubushobozi bwa laboratwari yo gupima izo ngero.”
Itsinda ry’Ishami ry’Umuryango w’Abibumbye ryita ku Bana (UNICEF), rizerekeza i Gaza ku wa Kane, biteganyijwe ko rizazana ibikoresho bigera ku bipaki 50 byo gukusanya bizoherezwa muri Jordanie.
Dr Saparbekov yizera ko ibyifuzo bishobora gutangazwa ku cyumweru ariko ukurikije aho ubu isuku y’amazi n’isukura biri muri Gaza, bizagora cyane abaturage gukurikiza inama zo gukaraba intoki no kunywa amazi meza.”
Intambara yo mu karere ka Gaza yatangiye ku ya 7 Ukwakira 2023 kubera igitero gikaze cyagabwe n’abayobozi ba Hamas binjiye mu majyepfo ya Isiraheli, kikaba cyarahitanye abantu 1.197, abenshi bari abasivili, nk’uko byatangajwe n’Ibiro Ntaramakuru by’Abafaransa AFP, hashingiwe ku mibare yashyizwe ahabona na Isiraheli.
Nk’uko byatangajwe na Minisiteri y’Ubuzima muri Gaza, iyobowe na Hamas, ngo Isiraheli na yo yagabye ibitero byo mu kirere hanyuma igaba ibitero ku butaka muri Gaza, ihitana abantu barenga 39 000, abenshi bakaba ari abasivili.
