Ishyirahamwe ry’abaganga batagira umupaka (MSF), ryatangaje ko umubare w’abarwayi b’ubushita bw’inkende muri Repubulika Iharanira demokaarsi ya Congo, wiyongereye ndetse abagera kuri 654 bamaze kwitaba Imana.
Iri shyirahamwe rivuga ko kuva mu mwaka wa 2023 iki cyorezo gitangiye kugaragara muri Congo umubare w’aba barwayi bikubye gatatu.
MSF ivuga ko abantu 14,600 ari bo batangajwe ko barwaye mu gihe 654 bamaze kwitaba Imana.
Iri shyirahamwe rivuga ko mu mwaka wa 2024 iki cyorezo cyakomeje kuba kibi cyane .
Rivuga abarenga 12,300 bamaze kugaragara mu Ntara 23 zo muri iki gihugu. Bivuze ko 80 % byabamaze kwandura bagaragaye mu mezi 12 gusa mu 2023.
MSF ivuga ko Intara yibasiwe cyane ari Kivu y’Amajyepfo muri Repubulika Iharanira Demokarasi ya Congo.
Iri shyirahamwe kandi ryongeraho ko “ Abagaragaweho n’ubu burwayi ari abo mu nkambi, ahahungiye impunzi zitandukanye zo muri Goma, muri Kivu y’Amajyepfo.”
MSF isaba abantu bose n’abafatanyabikorwa kureba uburyo hashakwa igisubizo, abaturage bakarindwa iyi ndwara baterwa urukingo.
