Mu Murenge wa Nyange, Akarere ka Musanze, hagiye kuzura uruganda rugiye kujya rwenga inzoga mu birayi yitwa VODKA.
Ubwo ubuyobozi burangajwe imbere na Guverineri w’Intara y’Amajyaruguru, Mugabowagahunde Maurice aherekejwe na Nsengimana Claudien Umuyobozi w’Akarere ka Musanze basuraga ahari gukorerwa imirimo yo kubaka urwo ruganda ku wa Mbere tariki 02 Nzeri 2024, bishimiye aho iyo mirimo igeze.
Urwo ruganda rwa Virunga Mountain Spirits ruri kugera ku musozo, aho biteganyijwe ko ruzaba rwuzuye mbere y’umuhango wo kwita izina ku nshuro ya 20, uteganyijwe ku itariki 18 Ukwakira 2024.
