Umunyamakuru Cyuzuzo J .d’Arc yatangaje ko yasezeye kuri Radio Kiss Fm, ni nyuma y’imyaka itanu n’amezi atanu yari ashize ari mu muryango mugari w’iyi Radio.
Yatangiye gukorera iki gitangazamakuru tariki 1 Nyakanga 2019. Yagaragaje ko yasezeye tariki 1 Ukwakakira 2024.
Cyuzuzo yavuze ko nyuma yo gusezera kuri Kiss FM azakomeza gukora ikiganiro ‘Ishya’ gitambuka kuri Televiziyo Rwanda. Ati “Ntabwo navuye mu itangazamakuru, kuko nzakomeza gukora ikiganiro ‘Ishya’.”
Iki kiganiro agihuriramo na Aissa Cyiza, Michèle Iradukunda uzwi nka Michou ndetse na Mucyo Christella.
Mu butumwa bwe yumvikanishije ko imyaka itanu n’amezi atanu yari ashize akorera Kiss Fm, yabaye iyo kwiyungura ubumenyi kandi yishimiye umuryango mugari yungutse muri uru rugendo. Kandi ashima buri wese wabanye nawe. Uyu munyamakuru yari asanzwe akora ikiganiro “TheKissLift” n’ibindi.
Asezeye nyuma ya Andy Bumuntu wasezeye kuri Kiss Fm, ku wa 9 Nzeri 2024. Yari amaze imyaka ibiri akora ikiganiro kizwi nka “Kiss Breakfast” yahuriragamo n’abarimo Rusine na Sandrine Isheja uherutse kugirwa Umuyobozi Mukuru Wungirije wa RBA.
