Mu karere ka Nyamasheke,Umugore witwa Nyirangirimana Ephrasie w’imyaka 25 y’amavuko, yakubiswe n’inkuba ahita yitaba Imana.
Byabaye kuri uyu wa Kabiri tariki ya 1 Ukwakira 2024, ku isaha ya saa cyenda z’umugoroba.
Umunyamabanga Nshingwabikorwa w’Umurenge wa Kajongo Cyimana Kanyogote Juvenal ,Yahamije ibyaya makuru avuga ko uwo mugore yitabye Imana akubiswe n’inkuba yamukubitiye hanze y’urugo rwe.
Uyu muyobozi yasabye abaturage ko igihe imvura iguye, bagomba guhagarika imirimo bakoraga, bakajya kugama kandi bakirinda kugama munsi y’ibiti n’ahandi hashobora gushyira ubuzima bwabo mukaga.
Umurambo wa Nyakwigendera wahise ujyanwa mu kigo Nderabuzima cya Ruheru mbere y’uko ushyingurwa.
