Igisasu cyatezwe mu Ntambara ya Kabiri y’Isi cyaturikiye ku Kibuga cy’Indege cya Miyazaki kiri mu Majyepfo ashyira Uburengerazuba bw’u Buyapani.
Iki gisasu cyaturitse ku wa Gatatu tariki 2 Ukwakira 2024. Cyari gitabye mu muhanda ukoreshwa n’indege igihe zitegura guhaguruka cyangwa zimaze kururuka.
Ku bw’amahirwe nta bagenzi benshi bari bari kuri iki kibuga cyangwa indege iri gukoresha uyu muhanda. Gusa cyasize umwobo munini aho cyaturikiye.
Ibi byatumye iki kibuga cy’indege gifungwa, ingendo 70 zirasubikwa.
Inzego z’umutekano muri iki gihugu zatangaje ko iki gisasu ari icy’Abanyamerika cyatabwe muri aka gace mu Ntambara ya Kabiri y’Isi.
