Nyuma ya tombola y’amatsinda ane y’irushanwa Nyafurika rihuza amakipe yegukanye ibikombe iwayo, CAF Confederation Cup, ikipe ya Simba SC yo muri Tanzania, yisanze mu itsinda ririmo CS Sfaxien yo muri Tunisie.
Kuri uyu wa mbere ni bwo habaye tombola y’uko amakipe agomba gushyirwa mu matsinda mu marushanwa Nyafurika ya CAF Confederation Cup 2024-25. Ni amakipe 16 yashyizwe mu matsinda ane.
Ikipe ya Simba SC yasezereye Al Ahli Tripoli yo muri Libya, yisanze mu itsinda rya Kane ririmo CS Sfaxien yo muri Tunisie, Enyimba FC yo muri Nigeria na FC Bravos do Maquis yo muri Angola.
Itsinda rya mbere ririmo USM Alger yo muri Algérie, Stade Malien yo muri Mali, ASC Jaraaf yo muri Ghana na Stellenbosch yo muri Afurika y’Epfo. Irya Kabiri ririmo Zamalek yo mu Misiri, ASEC Mimosas yo muri Côte d’Ivoire, Black Bulls na Orapa United. Itsinda rya Gatatu ririmo RS Berkane yo muri Maroc, Al Masry yo mu Misiri, CD Lundal Sul yo muri Angola na CS Constantine yo muri Algérie.
