Taylor Swift yamaze kuba umuhanzikazi wa mbere ku Isi utunze agatubutse kurusha abandi, nyuma y’uko umutungo we utumbagiye nk’uko bishimangirwa na Forbes.
Taylor Swift yamaze kuba umuhanzikazi wa Mbere ku Isi utunze agatubutse kurusha abandi.
Ni umwanya agiyeho akuyeho Rihanna wari umaze igihe ayoboye nk’uko urubuga Forbes rubitangaza.
Kuri ubu Taylor Swift arabarirwa ko atunze asaga Miliyari $1.6, mu gihe Rihanna atunze arenga Miliyari $1.4.
Muri Mata uyu mwaka, nibwo Forbes Magazine izwiho gukora intonde ziganjemo izigaragaza umutungo ibyamamare bitunze, yatangaje Umuhanzikazi Taylor Alison Swift wamamaye nka Taylor Swift, ku rutonde rw’abaherwe batunze miliyari y’amadorali.
Taylor Swift yinjiye kuri uru rutonde nyuma yaho mu 2023 yari afite umutungo wa miliyoni 600 z’amadolari. Umutungo we watumbagiye abikesha ibitaramo bizenguruka Isi bya ’Eras Tour’ aherutsemo hamwe na filime yabikozeho yitwa ’The Eras Tour Movie’ ndetse n’umuturirwa yagurishije yari afite mu Mujyi wa New York.
