Minisitiri w’Ububanyi n’Amahanga wa Iran, Seyed Abbas Araghchi, yatangaje ko igihugu cye kitifuza umwuka mubi mu Burasirazuba bwo Hagati, icyakora ngo cyiteguye intambara igihe cyose byaba bibaye ngombwa.
Mu cyumweru gishize nibwo Iran yohereje ibitero bya Misile kuri Israel, nko kwihimura ku rupfu rw’abayobozi bakuru mu mutwe wa Hamas na Hezbollah.
Hari ubwoba bw’uko Israel ishobora kwihorera, bigateza intambara mu Burasirazuba bwo Hagati aho ibyo bihugu bibarizwa.
Minisitiri w’Ububanyi n’Amahanga wa Iran yatangaje ko biteguye kucyo Israel yakora cyose.
Ati “Twavuze kenshi ko nta ntambara Iran ishaka ariko ntabwo tuyifitiye ubwoba, turiteguye.”
Abbas yavuze ko bamaze kwitegura kwirwanaho kucyo Israel yakora cyose.
