Kuri uyu wa mbere tariki ya 14 Ukwakira 2024, mu masaha ya saa yine y’ijoro ,Inkongi y’umuriro yibasiye Hoteli Muhabura.
Umuvugizi wa Polisi y’u Rwanda mu Ntara y’Amajyaruguru, SP Jean Bosco Mwiseneza yabwiye Kigali Today ko “Hari igice cyafashwe n’inkongi cy’iyo Hoteli, ubutabazi bw’ibanze bujyanye no kuyizimya burimo burakorwa. Ibindi birebana na yo turacyabikurikirana.”
Amakuru avuga iyo nkongi yatangiriye ahategurirwa amafunguro gusa hataramenyekana icyaba cyateye iyi nkongi.
Iyi hoteli iherereye mu Mujyi wa Musanze hafi yaho Ibiro by’Akarere ibikorera ikaba ikunze gusurwa na ba mukerarugendo bakunze gusura aka Karere.
