Sosiyete ya INEOS iyobora ibikorwa bya Siporo muri Manchester United yafashe icyemezo cyo gutandukana na Sir Alex Ferguson wari Ambasaderi w’iyi kipe kuva mu 2013.
![r/reddevils - [Mike Keegan] Sir Alex Ferguson and the Manchester United football board have been asked not to enter the dressing room at Old Trafford – breaking a tradition that stretches back to the days of Sir Matt Busby.](https://external-preview.redd.it/mike-keegan-sir-alex-ferguson-and-the-manchester-united-v0-v3eBTOZZ0xFH42CmJpHGS5pXf639c0eUWOJG7US-PyA.jpg?width=640&crop=smart&auto=webp&s=861390ab461cf0c103f7ce9f06bba62ae8cd2112)
Ikinyamakuru The Athletic cyatangaje ko ibi byakozwe nyuma yo kugabanya abakozi n’ibibagendaho kuko uyu mukambwe ahembwa miliyoni 2.16£ ku mwaka.
Ferguson yiyongereye ku bandi bakozi 250 baherutse gusezererwe n’iyi kipe kuva yafatwa na INEOS, aho umuyobozi wayo Sir Jim Ratcliffe yaguze imigabane ingana na 27% ndetse by’umwihariko ikaba ishinzwe ibikorwa bya siporo muri iyi kipe.
Sir Alex Ferguson ni izina rikomeye muri Manchester United kuko yabaye umutoza wayo imyaka 26 kuva mu 1986 kugeza mu 2013 ndetse anayihesha ibikombe 38 birimo 13 bya Shampiyona y’u Bwongereza na bibiri bya UEFA Champions League.
Muri Nzeri, Manchester United yatangaje ko yagize igihombo cya miliyoni 113£ mu mwaka ushize w’imikino bityo ikaba yizeye ko kugabanya imishahara bizayungura miliyoni ziri hagati ya miliyoni 40-45£.
