Abanyamategeko ba Sean “Diddy” Combs wamamaye nka P.Diddy, basabye ko hatangazwa imyirondoro y’abari kumushinja kugira ngo abashe kwitegura urubanza rwe aregwamo ihohotera rishingiye ku gitsina.
Aba banyamategeko barimo Marc Agnifilo, Teny Geragos, Anthony Ricco, Alexandra Shapiro na Anna Estevao; basabye ko uyu muhanzi yatangarizwa na leta imyirondoro y’abari kumurega ku buryo yakwitegura kuburana neza.
Aba banyamategeko bavuga ko ikirego cy’umukiliya wabo cyihariye, kubera ibirego by’abantu bamushinja byiyongera ubutitsa kubera ubwamamare afite, ubukire ndetse no kuba amwe mu mabanga yerekeye abamushinja yarashyizwe ku karubanda.
Bityo ibirego by’abantu batavugwa amazina bikwiriye kurebwaho byihariye ndetse aba bantu bagatangazwa.
