Polisi y’u Rwanda yanyomoje amakuru y’itabwa muri yombi rya Miss Muheto Divine, nyuma y’amasaha bihwihwiswa ku mbuga nkoranyambaga.
Umuvugizi Polisi y’u Rwanda, ACP Boniface Rutikanga yavuze ko aya makuru yakomeje gusakazwa ari ibihuha.
Miss Muheto na we abinyujije ku majwi yashyizwe ku mbuga nkoranyambaga, yanyomoje ibyo gutabwa muri yombi.
Ati “Ndi amahoro, ndaho ndakomeye, ndashima Imana ni kuri, ndashima Imana rwose. Ntago mfuze ibyo bindi byose sinzi aho biri kuva, sinzi n’aho biri guturuka, sinzi n’uwabizanye ariko byose ni ibihuha. Ni ibihuha by’abantu bamwe na bamwe bataba bifuza ibyiza cyangwa iterambere ry’umuntu ariko ndi amahoro.”
Miss Muheto aherutse gutabwa muri yombi kubera gutwara yanyweye ibisindisha nta n’uruhushya rwo gutwara afite.
Ku wa 6 Ugushyingo 2024 Urukiko rw’Ibanze rwa Kicukiro rwategetse ko arekurwa ariko ahabwa igihano cy’igifungo cy’amezi atatu gisubitse mu gihe cy’umwaka umwe ndetse n’ihazabu y’ibihumbi 190 Frw.
