Yolo The Queen ukunzwe n’abatari bake kubera ikimero cye gikurura benshi ku mbuga nkoranyambaga, yikomye abahakana umubano we na Drake, nyuma y’igihe gito atangaje ko umwana we yamuhaye izina rya Drake.
Mu butumwa burebure Yolo yashyize kuri Instagram yavuze ku bantu bagiye bahakana ko ataziranye na Drake, ndetse bakavuga ko ibimenyetso byose yerekana abihimba.
Yagize ati “ndabamenyesha ko Drake yatangiraga kunkurikira, mwese mwavuze ko ari photoshop, noneho akaza gushyira ubutumwa bwanjye kuri paje ye ya Instagram nayo muvuga ko atari iya nyayo”.
Yatangaje ko paje ye ya Instagram atariyo gushyiraho amafoto gusa, ahubwo imwijiriza n’amafaranga binyuze mu kuba akurikirwa n’ibyamamare byinshi, ashishikariza abantu gukanguka bakamwigiraho.
Yolo ntabwo avuga se w’umwana, gusa mu minsi yashyize yagiye agaragara ari kumwe n’ibyamamare bikomeye.
