Icyamamare mu mukino w’iteramakofi, Floyd Mayweather, yahaye umwuzukuru we inzu ya miliyoni 20€ (arenga miliyari 29 Frw) nk’impano ya Noheli.
Amashusho yashyizwe ku mbuga nkoranyambaga, agaragaza uyu mugabo abwira umwuzukuru we, Kentrell Jr ko ari we mwana wa mbere utunze inzu muri New York.
Yagize ati “ Uri umwana wa mbere utunze inzu muri New York. Nakuguriye inzu.”
Mayweather ni umwe mu bakinnyi bakomeye babayeho mu mateka y’umukino w’iteramakofe, aho yatsinze imikino 50. Nyuma yo gusezera kuri uyu mukino mu 2017, uyu mugabo w’imyaka 47 yerekeje mu bucuruzi bw’imitungo itimukanwa. Aherutse gushora miliyoni 400€ agura inzu 60 mu Mujyi wa New York.
