Ishami ry’Umuryango w’Abibumbye ryita ku Buzima (OMS/WHO) ryatangaje ku mugaragaro ko icyorezo cya coronavirus cyadutse mu Bushinwa ari icyorezo mpuzamahanga giteye inkeke (PHEIC).
Uyu mwanzuro watangajwe n’Umuyobozi Mukuru wa OMS, Dr. Tedros Adhanom Ghebreyesus, mu kiganiro n’abanyamakuru cyabereye i Genève, mu Busuwisi.
Uyu mwanzuro wafashwe nyuma y’inama y’itsinda ryihariye rya OMS ku bijyanye n’ibyorezo, ryateranye ku wa Kane ushize.
Nk’uko byatangajwe na Didier Houssin, ukuriye iryo tsinda, icyemezo cyo kwemeza iki cyorezo nk’icyorezo mpuzamahanga giteye inkeke yemejwe n’ubwuganze bw’abantu bari muri iyo nama.
Dr. Tedros yavuze ko impamvu nyamukuru y’iri tangazo atari ibyo biri kuba mu Bushinwa gusa, ahubwo ari impungenge z’uko iki cyorezo gishobora gukwirakwira mu bihugu bifite uburyo budakomeye bwo guhangana nacyo.
Yagize ati: “Icyo dutinya cyane ni uko iki cyorezo gishobora gukwirakwira mu bihugu bifite sisitemu z’ubuzima zidahagije kandi bititeguye guhangana nacyo. Ariko kandi, ibi ntibisobanuye ko tudafitiye icyizere ubushobozi bw’u Bushinwa mu guhangana n’iki cyorezo. Ahubwo, turagishimira imbaraga ziri gushyirwa mu kugikumira.”
OMS yasabye ibihugu byose gufata ingamba zihamye mu guhangana n’iki cyorezo, zirimo: Kwihutisha itangwa ry’inkingo n’imiti ishobora gukoresha. Kurwanya ikwirakwira ry’amakuru atari yo cyangwa adafite ishingiro. Kongera ubufatanye mpuzamahanga mu guhangana n’iki cyorezo.
