Bayern Munich yiteguye guhatanira Kobbie Mainoo, umukinnyi w’imyaka 19 ukinira Manchester United n’u Bwongereza, nyuma yo kwigaragaza nk’impano ikomeye mu mwaka ushize.
Mainoo, utarashyira umukono ku masezerano mashya, bivugwa ko yasabye umushahara munini wa buri cyumweru, ibintu bishobora gutuma ikipe ye imurekura kuri £200,000 Bayern Munich ishaka gutanga.
Ikipe yo mu Bubadage ihanganye na Chelsea mu gushaka uyu musore, ariko Manchester United irifuza kumugurisha hanze y’u Bwongereza aho kumurekura ajya mu makipe bahanganye muri Premier League.
Bayern Munich kimwe na Chelsea, yizeye ko ishobora kugura Mainoo niba ibiganiro by’amasezerano bishya bidatanga umusaruro.
Umutoza wa Manchester United, Ruben Amorim, yasabye Mainoo kwerekana ko ashoboye gukomeza kuzamura urwego rwe kugira ngo ahabwe umushahara ukomeye. Ibi bishimangira ko United yifuza gukomeza kumugumana.
Mu gihe ibiganiro by’amasezerano bishya bitakomeza, Manchester United ishobora guhitamo kumugurisha mu gihe igiciro gihwanye n’impano ye ndetse n’umusaruro atanga cyaboneka.
