Kuri uyu wa Gatatu, itariki 15 Mutarama 2025, abayobozi bo muri Koreya y’Epfo bataye muri yombi Perezida Yoon Suk Yeol, ubu urimo guhatwa ibibazo mu kigo gikora iperereza kuri ruswa kizwi nka CIO (Corruption Investigation Office).
Yavuze ko yemeye guhatwa ibibazo “nubwo ari iperereza rinyuranyije n’amategeko, mu rwego rwo kurinda ko haba imeneka ry’amaraso riteye ishozi”.
Yoon arimo gukorwaho iperereza ku birego byo kwigomeka, nyuma y’igerageza ryamaze igihe gito ryo gushyira igihugu mu mategeko yo mu ntambara mu Kuboza 2024.
Bibaye ubwa mbere mu mateka ya Koreya y’Epfo ko Perezida uri ku butegetsi atawe muri yombi.
