Umuhanzi Diamond Platinumz yavuze ko azakora ubukwe na Zuchu mbere y’igisibo cy’ukwezi gutagatifu kwa “Ramadhan”.
Diamond Platnumz yashyize ahagaragara amakuru mashya y’ubukwe bwe na Zuchu, mu gihe yavugaga ko we n’uyu mukobwa bakorana bisanzwe. Iyi nkuru ikomeje gutangaza abakunzi babo nyuma y’uko amashusho y’ubutumwa bwabo akwirakwiriye cyane ku mbuga nkoranyambaga.
Mu mashusho yasohowe na “Wasafi TV”, Diamond yatangaje ko azakora ubukwe na Zuchu mbere y’uko ukwezi kwa Ramadhan gutangira, ibi akaba yabitangaje ari kumwe na Nandy muri “Mkutano Mkuu Wa CCM” ejo hashize, ikintu cyabaye igitangaza ku bafana babo bari bazi ko babanye neza nk’abakorana gusa dore ko umubano wabo utari uzwiho byinshi.
Gusa, kugeza ubu nta byinshi biramenyekana ku bijyanye n’ibindi byinshi ku bukwe bw’aba bahanzi bakomeye muri Tanzania. Iyi nkuru ikomeje gukurura byinshi ku mbuga nkoranyambaga aho abantu bashima urukundo rwabo ndetse banifuza kubabona bagaragaza ubufatanye bwabo imbere y’abakunzi babo.
Bisanzwe bizwi ko Diamond Platnumz na Zuchu bafitanye amateka akomeye mu muziki ndetse no mu buzima bwabo bwite, bityo iyi nkuru ikaba ari iy’ingenzi cyane ku bantu bose bakurikira ubuzima bwabo na muzika yabo muri rusange.
