Umutwe wa M23 wafashe agace ka Lumbishi, gaherereye muri teritwari ya Kalehe, mu Ntara ya Kivu ya Ruguru, aka gace ka Lumbishi kazwiho ubucukuzi bw’ amabuye y’agaciro .
Amakuru avuga ko kuri uyu wa Mbere tariki ya 19 Mutarama 2025,imirwano yakomeje, uyu mutwe ukaba wateye ibirindiro by’ingabo za leta FARDC, biri Kimoka mu misozi ya Busakara ku ruhande rwa Sake.
Mu gihe imirwano ikomeje,umutwe wa M23 uvuga ko uharanira uburenganzira bwayo nk’Abanye-Congo bavuga ikinyarwanda, uvuga ko kugira ngo ibintu bisubire mu buryo ari uko leta ya Tshisekedi yakwemera kujya ku meza amwe nawo , bagahuza ibiganiro.
Ubutegetsi bwa Kinshasa buvuga ko butazigera buganira na M23 kuko ari umutwe buvuga ko ari uw’iterabwoba , “uterwa inkunga n’u Rwanda.”
Leta ya Congo yakunze gushinja u Rwanda gufasha M23 ariko impande zombi zikabyamaganira kure.
Imirwano ya M23 na Congo isa nkiyazambije umubano w’u Rwanda na Congo nubwo abahuza bakomeje gukora ibishoboka byose ngo impande zombi zumvikane ariko ntibyatanga umusaruro.
