Ikipe ya Flame BBC iherutse gutsindira kuzamuka muri shampiyona y’icyiciro cya mbere muri Basketball nyuma yo kwitwara neza mu cyiciro cya kabiri, yikuye muri shampiyona kubera ko nta bushobozi ifite bwo kugikina.
Ishyirahamwe Nyarwanda ry’Umukino wa Basketball (FERWABA), riherutse gutangaza ko umwaka w’imikino wa 2025 muri shampiyona uzatangira ku wa 24 Mutarama 2025.
Iyo kipe yananiwe kugaragaza aho izakura amafaranga y’u Rwanda miliyoni 100 zisabwa amakipe ngo atazahura n’ibibazo mu guhemba abakinnyi n’abatoza.
Ingengabihe y’imikino ibanza ya Shampiyona, iyi kipe yari kuzatangira imikino yayo ikina na APR BBC ifite igikombe cya shampiyona giheruka cya 2024.
Kuva muri shampiyona kuri iyi kipe bivuze ko shampiyona ya 2025 izakinwa n’amakipe icyenda ari yo PR BBC, Patriots BBC, REG BBC, Kepler BBC, Espoir BBC, UGB BBC, Tigers BBC, Orion BBC na Azomco BBC.
Kubera izo mpinduka zabayeho, ikipe imwe izaba yasoreje ku mwanya wa cyenda ni yo izamanuka mu cyiciro cya kabiri ni mu gihe amakipe abiri azitwara neza mu cya kabiri ari yo azamuka, kugira ngo amakipe yongere kuba 10 nk’ibisanzwe.
