Imirwano ikomeje kubera mu Burasirazuba bwa Congo, yagize ingaruka zikomeye ku mutekano w’Abanyarwanda bari hafi yaho amasasu arimo kurasirwa, mu Rwanda abantu 5 bamaze kubura ubuzima.
Umuvugizi w’Igisirikare cy’u Rwanda, Brig Gen Ronald Rwivanga yabwiye UMUSEKE ko abantu batanu bamaze gupfa kubera amasasu ava muri Congo, abakomeretse bagera kuri 20.
Inyeshyamba za M23 zikomeje gusatira ibice by’ingenzi mu mujyi wa Goma, ubu zamaze gufata televiziyo y’igihugu ishami ry’i Goma.
Muri uyu mujyi kandi hakomeje kubamo ibikorwa by’ubusahuzi.
Amasasu yayobye hari abaturage yakomerekeje n’abo yishe gusa umutekano muri rusange urinzwe bikomeye n’ingabo z’u Rwanda.
Ubuyobozi kandi bwasabye bamwe mu batuye ahabera imirwano kuhava, abandi bagiye bibwiriza bakagenda.
Kugeza ubu umutwe wa M23 ntabwo urafata burundu umujyi wa Goma, imirwano iracyakomeje.
