Rutahizamu w’umunyarwanda uheruka gusinyira ikipe ya Police FC Byiringiro Lague, yiyemeje gutsinda Rayon Sports.
Kuri uyu wa mbere tariki 27 mutarama 2025, Byiringiro Lague yahaye isezerano umunyamakuru wa Siporo witwa Elie Baryinyonza amubwira ko aratsinda Rayon Sports igitego mu mukino urabahuza kuri uyu wa kabiri.
Ni mu kiganiro Lague yagiranye n’uyu munyamakuru atangaza byinshi ku gusinyira ikipe ya Police FC kandi Rayon Sports yari yamuganirije mbere. Muri iki kiganiro Lague yavuze kandi ko Police FC igiye gutwara ibikombe uyu mwaka ihereye kuri iki cy’Intwari.
Yagize ati “ Police FC yampaye ibyo nifuza mpitamo kuyisinyira ndeka Rayon Sports ariko Police ntabwo ari ikipe mbi, reka tuze dutware igikombe cy’Intwari. Ni mfatanya na bagenzi banjye ibikombe tuzabitwara. Igikombe cy’Amahoro tuzagitwara ndetse na Shampiyona birashoboka.”
Byiringiro Lague yaje gutangaza ko umukino Police FC ifitanye na Rayon Sports araza kwitwara neza ndetse ahereza isezerano Baryinyonza ko araza gukubita Rayon Sports igitego.
Lague kandi yabwiye uyu munyamakuru ko nyuma y’umukino baraza gukorana ikiganiro agatangaza niba yaravuye i burayi aje muri Rayon Sports cyangwa ari muri Police FC.
Umukino Byiringiro Lague yitezeho kwigaragaza ni ugomba kuba kuri uyu wa kabiri tariki 28 mutarama 2025. Ni umukino urahuza Police FC na Rayon Sports mu gikombe cy’Intwari, uraza gutangira saa kumi n’ebyiri z’umugoroba.
