I Kinshasa muri iki gitondo cyo kuwa Kabiri ubuzima bwahagaze kubera imyigaragambyo yaramukiye mu bice bitandukanye yo kwamagana M23 nyuma y’imirwano yo mu Mujyi wa Goma. Imodoka ziragenda gacye, hamwe n’ubwikorezi rusange n’ibinyabiziga byigenga bisa nk’ibyahagaze ku mihanda minini.
Mu duce tumwe na tumwe, hashyizwe bariyeri n’amapine yaka byashyizweho n’urubyiruko, rwitabiriye umuhamagaro wo guhagarika ubuzima mu mujyi watangijwe na sosiyete sivile.
Iyi gahunda igamije kwamagana ibikorwa by’Umuryango Mpuzamahanga bavuga ko bidahuye n’ikibazo cy’umutekano mu burasirazuba bw’igihugu no kugaragaza ko bashyigikiye ingabo n’inzego z’igihugu.
