Minisitiri w’Itumanaho akaba n’Umuvugizi wa DR Congo, Patrick Muyaya, yashyize hanze amabwiriza agenga abatuye i Goma ndetse bagomba gukurikiza, atangaza ko ingabo z’u Rwanda zamaze kwinjira i Goma.
Yavuze ko umujyi wa Goma urimo abo yise ingabo z’u Rwanda, ashimangira ko Leta ikomeje kwirinda ko habaho ubwicanyi no gupfa kw’abantu.
Yasabye abaturage ba Goma kuguma mu rugo, ndetse bakirinda n’ibikorwa by’ubusahuzi.
Ni mu gihe imirwano ikomeje kujya mbere mu nkengero z’umujyi wa Goma, aho imirwano hagati y’inyeshyamba za M23 n’igisirikare cya Congo ‘FARDC’ ikomeje gutuma bamwe bava mu byabo bagahunga yewe harimo umubare mwinshi wahungiye mu Rwanda.
Ingabo kandi za Congo zimwe zamanitse amaboko zihungira mu Rwanda, aho bemeye bakavuga ko umutwe wa M23 wabanesheje ndetse n’intwaro bari bitwaje binjira mu Rwanda bakaba bazitanze mu maboko y’igisirikare cy’u Rwanda.
