Ikipe ya AS Kigali, yatangaje ko yaguze abakinnyi babiri bakomoka mu gihugu cy’u Burundi, barimo Jospin Nshimirimana uherutse gutangazwa nk’umukinnyi wa Kiyovu Sports.
Nyuma yo gusoza imikino ibanza ya shampiyona iri ku mwanya wa Gatatu, AS Kigali ikomeje kwiyubaka igamije kwigira imbere ku mwanya no gushaka igikombe cy’Amahoro cy’uyu mwaka. Iyi kipe iterwa inkunga n’Umujyi wa Kigali, yahereye kuri Haruna Niyonzima yasinyishije ndetse akanayikinira umukino wa mbere mu irushanwa ry’Intwari 2025.
Mu gitondo cyo kuri uyu wa Gatatu, ni bwo Jospin Nshimirimana na Arthur bakomoka i Burundi, berekanywe nk’abakinnyi bashya ba AS Kigali. Jospin ari mu bakinnyi bari baherutse kwerekanwa nk’umukinnyi wa Kiyovu Sports muri uyu muri uyu mwaka w’imikino 2024-25. Ni umusore ukina hagati aganisha imipira imbere kuri ba rutahizamu.
