Myugariro w’ibumoso, Imanishimwe Emmanuel, w’Ikipe y’Igihugu Amavubi wari umaze imyaka itatu muri FAR Rabat (ASFAR) yo mu cyiciro cya Mbere muri Maroc, yerekeje muri AEL Limassol yo mu cyiciro cya Mbere muri Cyprus asinya amasezerano y’imyaka ibiri.
Ibi byemejwe n’iyi kipe kuri uyu wa Kabiri tariki 16 Nyakanga 2024, binyuze ku mbunga nkoranyambaga zayo, ni umwe mu bakinnyi bafashije AS FAR Rabat kwegukana igikombe cya shampiyona cya 2022-2023.
Imanishimwe Emmanuel yageze muri AS FAR muri Kanama 2021 avuye muri APR FC yari amazemo imyaka itanu icyo gihe yatazweho agera ku bihumbi 430 by’amadolari y’Amerika (miliyoni 430 Frw).
Asanzwe ari umukinnyi ubanza mu kibuga inyuma ku ruhande rw’ibumoso mu Ikipe y’Igihugu ‘Amavubi’ yatangiye guhamagarwamo mu 2016.
AEL Limassol yashinzwe mu kwakira 1930, yasoje Shampiyona ya 2023/24 iri ku mwanya wa Cyenda muri Cyprus ndetse itozwa n’Umunya Wales Chris Coleman.
