Umuhanzi w’icyamamare mu muziki w’indirimbo zihimbaza Imana muri Afurika, Osinachi Joseph [Sinach], yongeye gutumirwa i Kigali aho agiye kwitabira igiterane cyiswe ‘All Women Together’.
Uyu muhanzikazi abinyujije ku rubuga rwe rwa Instagram, yasabye abakunzi be kuzahurira i Kigali mu gitaramo azahakorera ku wa 9 Kanama 2024, aho azaba yitabiriye igiterane cya ‘All women Together’ cyateguwe na Women Foundation Ministries.
ki giterane giteganyijwe kuva ku wa 6-9 Kanama 2023, kizayoborwa na Apôtre Mignone Kabera cyatumiwemo kandi Pasiteri Jessica Kayanja wo muri Uganda, Pasiteri Matthew Ashimolowo wo mu Bwongereza na Dr Ipyana Kibona wo muri Tanzania.
Ni inshuro ya kabiri Sinach atumiwe muri iki giterane kuko no mu 2023 nabwo yagitumiwemo.
Sinach ni umuririmbyi, umwanditsi w’indirimbo ndetse akaba n’umuramyi uyobora abandi muri Christ Embassy, itorero riherereye i Lagos muri Nigeria aho akomoka.
