Icyamamare muri sinema Will Smith, yasabye ubuyobozi bwa ‘The Academy’ itegura ibihembo bya ‘Oscars’ ko yamukuriraho igihano cy’imyaka 10 bari bamuhaye nyuma yo gukubita urushyi Chris Rock.
Will Smith yakubise urushyi Chris Rock imbere y’imbaga amuziza ko yari ateye urwenya rutari rwiza ku mugore we, nyuma y’ibi birori ubuyobozi bwa ‘The Academy’ bahise bumufatira igihano cyo kumara imyaka 10 atitabira ibi birori.
Will Smith yagiranye ibiganiro na Janet Yang akaba ari umuyobozi mukuru wa ‘The Academy’ amusaba kumubabarira kuko na Chris Rock ku giti cye yamaze kumubabarira, bityo akeneye imbabazi zabategura ‘Oscars’ bamufatiye ibihano.
Ni mugihe TMZ yo ivuga ko Will Smith yategereje gusaba imbabazi bitewe n’uko hari filime arimo gukina zishobora kwegukana ibihembo bya Oscars, bityo ngo yasabye imbabazi kugirango izi filime nizisohoka azabe yemerewe guhatana muri ibi bihembo.
