Angelina Jolie wamamaye muri sinema muri Hollywood wisangije kuba umwe mu bagore bamenyekanye mu gukina filime ziganjemo iza ‘Action’, yavuze ko Brad Pitt yagerageje kumucecekesha.
Pagesix yatangaje ko impapuro uyu mugore w’imyaka 49 yashyikirije urukiko ku wa 25 Nyakanga, yagaragaje uyu mugabo w’imyaka 60 ashaka ko hari amasezerano asinya azwi nka “Confidentiality agreement’’ kugira ngo hagire bimwe mu byo agomba gushyira hanze mu rubanza bafitanye atazatangaza.
Aya masezerano uyu mugore avuga ko Pitt ashaka ko bayasinya, kugira ngo azatwikire ibirego by’ihohotera biri ku mutwe w’uyu mugabo. Jolie na Pitt barushinze mu 2014 batandukana mu 2019. Kuva ubwo batangira inkundura mu nkiko kugeza n’uyu munsi itararangira.
