Ikipe ya Real Madrid yegukanye Igikombe kiruta ibindi ku Mugabane w’u Burayi “UEFA Super Cup” ku nshuro ya gatandatu nyuma yo gutsinda Atalanta yo mu Butaliyani ibitego 2-0 mu mukino wabereye kuri Stade Warszawa yo muri Pologne kuri uyu wa Gatatu.
Uyu mukino wari uwa mbere kuri rutahizamu w’Umufaransa, Kylian Mbappé uheruka kwerekeza muri Real Madrid.
Iyi kipe yo muri Espagne, ifite Igikombe cya UEFA Champions League, yari hasi mu gice cya mbere kuko Atalanta ni yo yakinnye neza mu buryo bwo kwiharira umupira.
Real Madrid ikimara kubona igitego cya mbere, yahise ikomeza gusatira cyane ndetse byongera kuyihira ku munota wa 68 aho Kylian Mbappé yatsinze igitego cya kabiri.
Impinduka zitandukanye zakozwe ku mpande zombi, ntacyo zahinduye kuko umukino warangiye ari ibitego 2-0.
Umunya-Croatia, Luka Modrić yabaye umukinnyi wa mbere wegukanye ibikombe byinshi (27) mu mateka ya Real Madrid.
